На працягу дашкольнага дзяцінства адной з задач, якія стаяць перад выхавацелямі дашкольнай адукацыі, з'яўляецца азнаямленне выхаванцаў з мастацкай літаратурай і яе жанрамі.
З першай малодшай групы закладваецца любоў да мастацкага слова. Паэзія пашырае ўяўленні аб навакольным свеце, развівае ўменне дакладна адчуваць мастацкую форму, мелодыку і рытм роднай мовы. Паэтычныя творы выклікаюць у дзяцей эмацыйны водгук. Чытанне і завучванне вершаў дазваляе вырашаць задачы фарміравання гукавой культуры мовы.
18 студзеня сярод выхаванцаў сярэдняй і старэйшых груп прайшоў конкурс чытачоў.
Добразычлівая абстаноўка і гучныя апладысменты публікі натхнялі юных чытачоў. І кожны стараўся прачытаць свой верш лепш за ўсіх! Усе выхаванцы выразна чыталі вершы на беларускай мове, стараліся данесці да кожнага прысутнага ў зале сэнс вершаваных радкоў.
Па заканчэнні конкурсу ўдзельнікі атрымалі дыпломы лепшага чытача.
Правядзенне такога мерапрыемства выхоўвае пачуццё любові і гонару да маці, сваёй Радзімы, спрыяе развіццю асобы кожнага выхавальніка, яго індывідуальных асаблівасцяў.